ဝီရသူ

စစ်အာဏာရှင် စစ်အစိုးရ လက်ထက်တုန်းကလည်း သံဃာတွေ သင်္ကန်းချွတ်ထောင်ချခံခဲ့ရတယ်။ အရပ်သားဒီမိုကရေစီအစိုးရလက်ထက်ရောက်တော့လည်း သံဃာတော်တွေ သင်္ကန်းချွတ်ထောင်ချခံရတယ်။ ပါရာဇိကကျလောက်တဲ့ ဒုစရိုက်ပြစ်မှုမျိုးမဟုတ်ရင်တောင်မှ သင်္ကန်းမချွတ်ထိုက်တာ အခုလို နိုင်ငံရေး တောင်းဆိုမှုမျိုးဆိုရင် ပိုတောင်မချွတ်ထိုက်ဘူး။

မဆလခေတ်မှာ အကျဉ်းသားသံဃာတွေ သင်္ကန်းချွတ်စရာမလိုဘူး။ ဦးနုလက်ထက်မှာလည်း အကျဉ်းသားသံဃာတွေ သင်္ကန်းချွတ်စရာမလိုဘူး။ နဝတလက်ထက် NLD လက်ထက်တွေမှာတော့ သံဃာတွေသင်္ကန်း ချွတ်ခဲ့ကြရတယ်။ ထောင်ချတဲ့အပြစ်ထက် သင်္ကန်းချွတ်တဲ့အပြစ်က ပိုကြီးပါတယ်။

ဒါကြောင့် စာရေးသူ ၂၀၁၂ ဇန်နဝါရီလ ၁၃ ရက်နေ့ ထောင်မှလွတ်ခါစတုန်းက သင်္ကန်းမဝတ်ဘဲ ဖိုးသူတော်ဝတ်စုံဖြင့် ထောင်ထဲမှာကျန်ခဲ့တဲ့ သံဃာတွေကို သင်္ကန်းဝတ်ခွင့်ပေးဖို့ တောင်းဆိုခဲ့ဖူးတယ်။ ဂိုဏ်းပေါင်းစုံ သံဃာ့အစည်းအဝေးကြီး မကျင်းပခင်မှာလည်း နိုင်ငံရေး အမျိုးသားရေး အကျဉ်းသား သံဃာတွေကို သင်္ကန်းမချွတ်ရအောင် သံဃဥပဒေပြင်ဆင်ပေးဖို့ တင်ပြခဲ့ဖူးတယ်။

နဝတအစိုးရပဲဖြစ်ဖြစ် NLD အစိုးရပဲဖြစ်ဖြစ် သံဃာတွေကို ထောင်ချရုံတင်မကဘဲ သင်္ကန်းပါချွတ်ပစ်လိုက်ကြလို့ သာသနာဖျက်အစိုးရတွေလို့ ဆိုရမှာပါ။

ဝီရသူ(မစိုးရိမ်)
10.8.2017
AM 12:17