ဝီရသူ

12.11.2017 ရက်နေ့ ညနေပိုင်းမှာ ထားဝယ်မြို့ မြို့မယဉ်ငေးရိပ်သာမှ မြတ်ရှင်မော်ဘုရားသို့ ထွက်ခွါခဲ့ပါတယ်။ မြတ်ရှင်မော်ဘုရားမရောက်ခင် ထားဝယ်မဘသ ညီတော်မောင် အရှင်သာဂရကျောင်းမှာ ခဏနားပါတယ်။ ရောက်တုန်းရောက်ခိုက် စကားတစ်ခွန်း နှစ်ခွန်းလောက် ပြောပါဆိုလို့ ရွာသူ ရွာသားအချို့ကို သိလိုတာမေးကြဖို့ သံသယရှိတာမေးကြဖို့ ဖိတ်ခေါ်လိုက်ပေမယ့် မမေးဝံ့ကြပါဘူး။

ဒါနဲ့ စာရေးသူလည်း မလိုသူတွေရဲ့ မဟုတ်မဟတ် လုပ်ကြံဇာတ်ခင်းတာတွေကို အနည်းအကျဉ်းပြောပြလိုက်ပါတယ်။
ကျုပ်ကို အောင်သောင်းက တစ်ပြားမှ မလှူခဲ့ဘူး၊ ခင်ညွန့်လည်း တစ်ပြားမှမလှူခဲ့ဘူး၊ ဘယ်ခရိုနီမှလည်း တစ်ပြားမှ မလှူခဲ့ဘူး။ ဒါပေမဲ့ အွန်လိုင်းပေါ်မှာတော့ ကျုပ်က သူဌေးဖြစ်နေတယ်။ နာမည်ကြီးတော့ မဘသ ဒေါ်လာပိုက်တော့ ငှက်ဆိုးတွေဖြစ်နေတယ်။ တံခါးတစ်ချပ် သိန်းငါးထောင်က ပြည်သူတွေလက်ထဲ တစ်ပြားမှမရောက်ပေမဲ့ ကျုပ်တရားပွဲကရတဲ့ငွေငါးသိန်း ပြည်သူ့လက်ထဲ အပြည့်အဝရောက်တယ်။ ဒီလောက်လေးပဲ ရင်ဖွင့်ပေးလိုက်တာပါ။ ရွာသားကြီးတစ်ဦးကတော့ ကုန်းဦးချပြီး ကျေးဇူးတင်လိုက်တာဘုရား တပည့်တော် သိချင်နေတာ အဲ့ဒါတွေပါပဲဘုရားဟု လျှောက်ပါတယ်။

မြတ်ရှင်မော်ဘုရားရောက်တော့ အနည်းငယ် မိုးချုပ်နေပါပြီ။ ပင်လယ်ကြီးရယ် ဘုရားရယ် ဆားငွေ့လေအေးအေးလေးရယ် ရှုခင်းလှလှလေးတွေရယ် ဘယ်လိုမှမေ့ပျောက်နိုင်တော့မှာ မဟုတ်ပါဘူး။ ဘုရားမှာ စုပေါင်း ဗုဒ္ဓါဘိသေက အနေကဇာတင် ပါဠိတော်ရွတ်ဖတ်ပူဇော်ပြီး ကုသိုလ်ယူကြပါတယ်။ လာရတာအဝေးကြီးပါ ပြန်ရတာလည်း အဝေးကြီးပါပဲ။ ပင်လယ်လေကိုတော့ ခဏလေးပဲ ရှူခဲ့ရတယ်။ မဝဘူးဗျာ။ ဒါပေမဲ့ ဘဝအမောတွေတော့ ပြေသွားတာအမှန်ပါပဲ။ မြတ်ရှင်မော်ဘုရားရယ် ပင်လယ်ကြီးရယ် မဘသ ညီတော်တွေရယ် ရွှေဝယ်သူ ရွှေဝယ်သားတွေရယ် သက်တော်ရှည်ကံပေါက်ဆရာတော်ကြီးရယ် ရေဖြူမြို့နယ်ထွေအုပ်ကြီးရယ် အမြဲတမ်းသတိရနေမှာပါ။ 

ဝီရသူ(မစိုးရိမ်)
21.11.2017
PM :9:39