ကမ္ဘာကျော်ဆရာတော်၏ ကမ္ဘာမကျော်သော အတွေးအခေါ်များ (၁၄-ခ)
ကမ္ဘာကျော်ဆရာတော်၏ ကမ္ဘာမကျော်သော အတွေးအခေါ်များ (၁၄-ခ)
အခြားသောအကျိုးရလဒ်များကား ကျန်းမာရေးနှင့်ပတ်သက်သည့် ရှာဖွေတွေ့ရှိချက်များ ဖြစ်ပါသည်။ ကျန်းမာချမ်းသာတရားရိပ်သာ အမည်ပေးနိုင်လောက်သည့် အတွေးစ၊ စိတ်ကူးစလေးများ ရရှိခဲ့ခြင်းလည်း ပါဝင်ပါသည်။ လူသားတစ်ဦး သို့မဟုတ် သတ္တဝါတစ်ဦးအနေဖြင့် ကိုယ်ကျန်းမာရန်အရေးကြီးသကဲ့သို့ စိတ်ချမ်းသာရန်လည်း အရေးကြီးပါသည်။ ကိုယ်ကျန်းမာအောင် စောင့်ရှောက်နည်း၊ စိတ်ချမ်းသာအောင် ပြုပြင်နည်းများ ပြသကာ တရားရိပ်သာထူထောင်လိုစိတ် ပြင်းပြလာသည်ကား မဟော်သဓာဘဝမှာ ရရှိခဲ့သော အတွေ့အကြုံများ ဖြစ်ပါသည်။ တန်ဖိုးမဖြတ်နိုင်သော ရတနာတစ်ခုပင်။
စာချခွင့်မရတော့သဖြင့် စာကြည့်၊ စာချချိန်အစား တရားလုပ်ချိန် အစားထိုးပါသည်။ နေ့စဉ် နှစ်ကြိမ်၊ သုံးကြိမ် တရားထိုင်ပါသည်။ တရားပွဲများ သွားစရာမလိုတော့သဖြင့် ၎င်းအစား ဂုဏ်တော်ပွားချိန် များစွာထားပါသည်။ နမောတေဂါထာရွတ်ခြင်း၊ နမောတဿဂါထာရွတ်ခြင်းများကို အချိန်ပေး၍ ပွားများပါသည်။ နံနက်အခေါက်သုံးရာ၊ နေ့ဆွမ်းစားပြီး အခေါက်သုံးရာ၊ နေ့ခင်းအိပ်ရာနိုး အခေါက်သုံးရာ၊ ညဘုရားဝတ်တက်ပြီး အခေါက်တစ်ရာမှ အခေါက်နှစ်ရာ နမောတဿဘုရားရှိခိုးဂါထာ ရွတ်ဆိုခြင်း ဖြစ်ပါသည်။ အားလုံး စင်္ကြံကမ္မဋ္ဌာန်းဖြစ်ပါသည်။ ပါဠိရွတ်သည့်အခါ အနက်ကိုပါဆင်ခြင်၍ ဗုဒ္ဓဂုဏ်တော်များကို နှလုံးသွင်းခြင်း ဖြစ်ပါသည်။ ဗုဒ္ဓါနုဿတိကမ္မဋ္ဌာန်း အကျိုးကျေးဇူးကား အံ့မခန်းလှပါ။ ပူရယိဿတိ မာနသံဟု မြတ်ဘုရားမိန့်တော်မူခဲ့သည့်အတိုင်း စိတ်အလိုတောင့်တတိုင်း ပြည့်ဝသည်သာ ဖြစ်ပါသည်။ စာရေးသူသည် တစ်ကိုယ်ရေသာ နေထိုင်ရသဖြင့် ဆွမ်းကွမ်းမခက်ခဲလှပါ။ အခြားလိုအပ်ချက်များလည်း မရှိသလောက်ပင်။ သို့သော် စာရေးသူတည်ထောင်ထားသည့် ပရဟိတနှင့် ဘ/က ပညာရေးအတွက်ကား လွန်စွာကြောင့်ကြရပါသည်။ ထိုဆန္ဒကို နမောတဿက ဖြည့်ဆည်းပေးသွားပါသည်။ လက်တွေ့သိလိုသူများ စမ်းသပ်ကြည့်စေချင်ပါသည်။ စာရေးသူ၏ ဣစ္ဆာသယရွှေအိုးကြီးကား နမောတဿဂါထာပင် ဖြစ်ပါသည်။ နမောတဿဂါထာသည်လိုတရဂါထာတော်ကြီး ဖြစ်ပါတော့သတည်း။
စာချချိန်နှင့် တရားဟောချိန်နုတ်လိုက်လျှင် ကျန်အချိန်များသည် ပုံမှန်လည်ပတ်နေကျအချိန်များ ဖြစ်နေပါတော့သည်။ ထို့ကြောင့် ထိုအချိန်များ၌ အမျိုးသားရေးလုပ်ငန်းများ လုပ်ဆောင်ပါသည်။ ပြည်သူ့မှာတမ်းနှင့် ပြည်သူသိစေချင်လို့ပါ ဗီဒီယိုဖိုင်လ်များသည် အမျိုးသားရေးလုပ်ငန်းများ ဖော်ဆောင်မှု၏ ရလဒ်တစ်ခုမျှသာ ဖြစ်ပါသည်။ အခြားအရာများကား စာဖွဲ့၍ပင် ကုန်နိုင်မည်မဟုတ်ပါ။ တစ်ပါးတည်းနေရသည်ဆိုသော်ငြား အလုပ်ကား ခပ်ရှုပ်ရှုပ်ပင်။ တပည့်ဒကာ-ဒကာမများအား အမြဲပြောခဲ့ဖူးသည့်အရှုပ်တွေလုပ်တော့ အလုပ်တွေရှုပ်တာပေါ့ဗျာ ဟူလေသော်။ ယခင်က အလုပ်များလွန်းသဖြင့် တစ်ခုပြီးတစ်ခု ဆက်တိုက်လုပ်ခဲ့ရပါသည်။ တစ်ခုမပြီးမီ တစ်ခုထပ်ခိုင်းမိသည့်အခါ တပည့်များက အံ့သြသည့်ပုံစံဖြင့် မော်ကြည့်ကြမှသတိရကာ လုပ်လက်စကိုပြီးအောင်လုပ်ရန်ဖြေသိမ့်ပေးရပါသည်။ ဖြည်းဖြည်းလုပ်ပါလေ အေးအေးဆေးဆေးလုပ်ပါလေဟုလည်း နှစ်သိမ့်ပေးတတ်ပါသည်။ ယခုအခါ ထိုသို့ လောစရာမလိုတော့ပါ။ နေ့စဉ် စိတ်အေးလက်အေးရှိသဖြင့် သက်သောင့်သက်သာ နားနားနေနေ လုပ်ဆောင်ခွင့်ရရှိနေပါသည်။ စိတ်ဖိစီးမှုနည်းပါးသွားသဖြင့် စိတ်ပင်ပန်းမှုလည်း သက်သာသွား၏ ဟူလိုသော်။ ထူးခြားမှုတစ်ခုကား Myanmar Idol Season 4 Top 11 မှ Grand Final ထိ တိုက်ရိုက်အားပေးခွင့် ရရှိခြင်းပါပင်။ အမျိုးသားရေးတာဝန်ကြီး ပိနေသဖြင့် အိုင်ဒေါပင် မကြည့်ခဲ့မိဖူးပါ။ ယခုမှ စိတ်အေးလက်အေး ကြည့်ဖြစ်သွားခြင်း ဖြစ်ပါသည်။ ကျေနပ်စရာပင်။ စာသင်တိုက်စာချဘုန်းကြီး ဓမ္မကထိကလုပ်နေသဖြင့် တစ်သက်လုံး မွန်းကျပ်စွာ နေရတော့မည်ဟုသာ ခံယူထားပါသည်။ လွတ်လပ်ပေါ့ပါးစွာ သစ်ပင်ရေလောင်းကာ နားအေးပါးအေးနေရလိမ့်မည်ဟု အိပ်မက်ပင်မမက်ခဲ့ဖူးပါ။ ယခုအခါ ရေလောင်းပေါင်းသင်သည့် ဥယျာဉ်မှူးကြီး ဖြစ်နေပေပြီ။ သူများခိုင်း၍ မဟုတ်ပါ။ တားမြစ်သည့်ကြားမှ ၀ါသနာအရ ပျော်ရွှင်စွာလုပ်ကိုင်နေခြင်း ဖြစ်ပါသည်။ လေကောင်းလေသန့် လေနုအေးလေးများရှူလိုက်၊ ရေလောင်းလိုက်၊ စာဖတ်ရင်း စောင့်နေလိုက်၊ ပရိတ်ရွတ်ရင်း ရေလောင်းလိုက်၊ ရေလောင်းရင်းစာကျက်လိုက်နှင့် တစ်သက်လုံးမခံစားခဲ့ရဖူးသော ရဟန်းဘ၀စည်းစိမ်ကို ချိုမြိန်စွာ ခံစားခွင့်ရရှိနေပေတော့၏။
အင်တာနက်၌ စာရေးသူနှင့်ပတ်သက်သည့် သတင်းများတက်လာသည့်အခါတိုင်း ဘုရားလောင်းမဟောသဓ (မဟော်သဓာ) ကို သတိရနေမိပါသည်။ ထိုအခါ ဘုရားလောင်းကို သနားနေမိတတ်ပါသည်။ မိမိပြည့်ပြည့်စုံစုံစားရသည့်အခါတိုင်း မဟော်သဓာကို စာနာနေမိတတ်ပါသည်။ မိမိချမ်းချမ်းသာသာ နေရသည့်အခါတိုင်း မဟော်သဓာကို ကရုဏာသက်နေမိတတ်ပါသည်။
တော်လှန်ရေးကာလ စားပွဲထိုးလုပ်ခဲ့ရသည့် ဟိုချီမင်း၊ ရုပ်ဖျက်ခိုးထွက်ကာ အငတ်ခံခဲ့ရသော သခင်အောင်ဆန်း စသူတို့ကိုလည်း ကိုယ်ချင်းစာမိတတ်ပါသည်။
တော်လှန်ရေးကာလမှာ ဇိမ်အကျဆုံးက ငါတို့ပဲကွ။
သဟာယမှာ စားရတာလောက်တော့ သနားတယ်။
တော်လှန်ရေးကာလမှာ စားကောင်းသောက်ဖွယ်တွေ အစားရဆုံးကတော့ ငါတို့ပဲရှိမှာစသည်စသည် ပျော်စေပြက်စေ ပြောပြတတ်သကဲ့သို့ ဓာတ်ပုံမှတ်တမ်းများလည်း ရိုက်ကူးထားပါသည်။
ဘုရားလောင်းမဟော်သဓာခမျာ ပညာရှိသုခမိန်ကြီးတစ်ယောက်လုံးဖြစ်ပါလျက် ကိုယ်ယောင်ဖျောက်ကာ အိုးဖုတ်နေခဲ့ရဖူးပါသည်။ ဖွဲနုသာစားခဲ့ရရှာပါသည်။
မင်းဘေးသင့်တာချင်းအတူတူ ဝီရသူက မဟော်သဓာထက် ကံကောင်းတယ်ကွဟု ကျူးရင့်မိခဲ့လျှင် ပရိသတ်ကြီး စိတ်မဆိုးစေလိုပေ။
မဟော်သဓာတစ်နေ့တာ ပြီးပါပြီ။ ။
အရှင်ဝီရသူ (မစိုးရိမ်)
(၂၀၂၂ ခုနှစ်၊ မတ်လ ၁၄ ရက်ထုတ် Myanmar Guardian ဂျာနယ်၊ အတွဲ(၁)၊ အမှတ်(၂၀)တွင် ဖော်ပြပါရှိသည့်ဆောင်းပါး)
